1.MUGIMENDUA

Atezainak taldekideari emango dio baloia, oinaren barrualdearekin jota.

2. MUGIMENDUA

2 jokalariak baloia eramango du konoen artetik. Oinaren barrualdea eta kanpoaldea erabili.

3. MUGIMENDUA

2 jokalariak pase luzea emango dio 3 jokalariari, goitik, oinaren gainaldearekin jota. 3 jokalariak kontrolatu egingo du baloia, jotzeko moduan jarriz, orientazio egokiarekin. Garrantzitsua baloiaren bila joatea, zain egon ordez. 

2 jokalaria 3 jokalaria dagoen lekura joango da pasea egindakoan, lasterka.

4. MUGIMENDUA

3 jokalariak 4 jokalariari emango dio pasea konoen artetik (aurkariak izango lirateke konoak), oinaren barrualderekin jota. Baina aurretik, 4 jokalariak pasea jasotzeko leku egokira joan beharko du, aurkarien oztopoa gaindituz. 4 jokalariak baloia kontrolatuko du, jotzeko moduan jarriz, orientazio egokiarekin.

3 jokalaria 4 jokalaria dagoen lekura joango da gero, lasterka.

5. MUGIMENDUA

4 jokalariak 5 jokalaria dagoen lekuraino eramango du baloia, oinaren alde guztiak erabiliz. 5 jokalariak baloia kontrolatuko du, gero jotzeko moduan jarriz, orientazio egokian.

6. MUGIMENDUA

5 jokalariak 6 jokalariari emango dio pasea, oinaren barrualderekin jota. Baina aurretik, 6 jokalariak laguntza-desmarkea egingo du, atzerantz. Gero, baloia kontrolatuko du, gero erabiltzeko moduan jarriz, orientazio egokian.

5 jokalaria 6 jokalaria dagoen lekura joango da, lasterka.

7. MUGIMENDUA

6 jokalariak baloia eramango du konoen artetik, oinaren barrualdea eta kanpoaldea erabiliz.

8. MUGIMENDUA

6 jokalariak erdiratu egingo du baloia, oinaren barrualdearekin eta gainaldearekin jota. Baina aurretik, 4 jokalariak eta 3 jokalariak errematera joateko mugimenduak egingo dituzte, azkar, atzelariak gainean izan eta ihes egingo baliete bezala. Gurutzatu egingo dira.