1. ARIKETA

Azalpena

• Bi jokalari behar dira. Bien artean konoa egongo da.
• Baloia batek dauka, eta besoa ezkerrerantz mugitzen badu, beste jokalariak alde horretara joan behar du; eskuinerantz mugitzen badu, eskuinerantz.
• Baloia botako dio besoak esaten dion aldera, eta besteak jasoko du.  Gero, bi aukera daude: itzuli, edo baloiaren jabe denak agindu bestearen mugimendua.
• Besoa altxatu beharrean, zenbakiak esan ditzake; adibidez; 1 esaten badu, alde batera joango da, eta 2 esaten badu, bestera.
• Baloiari eman beharreko ukituak: nahi beste.

2. ARIKETA

Azalpena

• 1. ariketaren ia berdina da, baina aldaketa batekin: bi jokalarien artean beste jokalari bat jarriko dugu, defentsa lanak egiteko, eta baloia duenak ez du adierazi behar keinuen edo zenbakien bidez nora pasatuko dion baloia taldekideari (ikusi 1. ariketako marrazkia).
• Baloiari eman beharreko ukituak: nahi beste.

3. ARIKETA

Azalpena

• Lauki batean, 2×1 jokatuko dute.
• Baloiari eman beharreko ukituak: nahi beste.

4. ARIKETA

Azalpena

• 10×10 lauki batean, 2×2 jokatuko dute. Baloiari eman beharreko ukituak: nahi beste, edo 3.
• Laukiaren kanpoaldean lau jokalari egongo dira, baloia dutenei laguntzeko, komodinak. Baloiari eman beharreko ukituak: 1 edo 2.

5. ARIKETA

Azalpena

• 30×25 laukiaren barruan 5×5 jokatuko dute. Baloiari eman beharreko ukituak: 3 edo 2.
• Laukiaren kanpoan: talde bakoitzeko bi jokalari. Baloiari eman beharreko ukituak: 1.
• Gola sartzeko: laukiaren kanpoan dagoen taldekide batek ukitu behar du baloia lehendabizi (hasiera); gero, laukiaren barruan jokatu behar dute bere taldekideek, eta laukiaren beste aldeko kanpoaldera atera baloia, beste taldekidearengana; azkenik, hasierako puntura eraman behar dute laukiaren barrutik pasatuz (bukaera). Hori dena egindakoan, gola kontatuko da.

6. ARIKETA

Azalpena

• 30×25 laukiaren barruan, 5×5 jokatuko dute. Baloiari eman beharreko ukituak: 3 edo 2.
• Laukiaren kanpoaldean, bi jokalari jarriko dira, elkarren parean, eta baloia duen taldeari laguntza emateko, komodinak. Baloiari eman beharreko ukituak: 1 edo 2.
• Gola sartzeko: laukiaren kanpoan dagoen batek ukitu behar du baloia lehendabizi (hasiera); gero, laukiaren barruan jokatu behar dute, eta laukiaren beste aldeko kanpoaldera atera baloia, beste jokalariarengana; azkenik, hasierako puntura eraman behar dute laukiaren barrutik pasatuz (bukaera). Hori dena egindakoan, gola kontatuko da.