Dena poza eta baikortasuna zen lekuan, zauri txikia egin zaio Athletici. Ligan. Azkeneko hiru partidak galdu ditu. Txapeldunen Ligara sailkatzeko aukeretan horma altxarazi dute emaitza horiek. Eta halakoetan gertatu ohi den bezala arrazoiak bilatzeari ekin zaio bazterretan. Hala ere, Osasuna, Valentzia eta Atleticoren aurka galtzea ez da zuloan erortzeko modukoa, hirurak baitabiltza goialdean, Athletic bezala.

Kontuak kontu, zauri txikia lehenbailehen itxi behar da. Eta bihar bada, askoz hobe. Horretarako aurkari aproposa ematen du Sportingek. Zuloan da, eta ateratzeko imintziorik ez zaio antzematen. Baina atzean doazen taldeak ere arriskutsuak izaten dira, eta irabaztea erraza dela pentsatu gabe jokatu behat dute jokalariek.

Bielsa eta Clemente

Soro pilean ez ezik, aulkietan ere lehia polita izango da. Bielsa batean, Clemente etxekoa bestean. Argentinarrak zer egingo duen argi dago. Zalantza gutxi. Clementek zer egin dezakeen berak bakarrik daki. Amorratua da buruz buruko zaintzak jartzen talde indartsuen aurka, eta ez harritu halakoren bat egiten badu, Athleticen jokoa mozteko.

Bielsak ezingo du San Jose erabili, txartelak pilatuta dituelako.

Bestelakoan, eta onari txarra alboan jarriz, partida luzea izaten bada, pazientzia lagun ona izango dute zuri-gorriek. Garbi eduki behar dute partidak 90. minutuan ere irabazten direla. Baina hori egin beharko dute txarrenera jarrita. Inork uste al du halakorik? Kiniela egitekotan, 1 garbiaren itxura du biharkoak.

Bi taldeen jokalari zerrendak biharko.
Lehen itzulian, berdindu egin zuten (1-1). Bideo honetan, golak:

 
http://www.youtube.com/watch?v=xgbjmqFRpRY