Realak baieztatu duenez bere web gunean, klubak eta Arsenalek akordioa itxi dute Carlos Velak Realean joka dezan. Lau denboralditarako tratua egin dute txuri-urdinek jokalariarekin.

Gaur arratsaldean iritsiko da Donostiara, eta etzi aurkeztuko dute, baina klubak ez du esan noiz eta non. Datozen orduetan jakinaraziko du.

Aurreko denboraldian, utzita aritu zen Realean mexikarra, eta 35 partidatan, 12 gol sartu zituen.

Realak egin duen bigarren fitxaketa da, Chory Castroren atzetik.