AZALPENAK

• 6 jokalariko 2 talde behar dira.
• Laukiaren barruan, baloiaren jabetza landu behar da. Erasoan, talde oso bat aritzen da (kasu honetan, gorriak), eta defentsan 3 jokalari (urdinak, oraingoan).
• Beste 3 jokalari urdinak laukiaren kanpoaldean daude, triangelua osatuz.
• Erasoan dagoen taldeko jokalariei ezarri egin behar zaie ukitu kopurua: 2 ed0 3 ukitu da egokia.

• Jokalari urdinek baloia lapurtzen dietenean gorriei, kanpoaldeko taldekideei pasatu behar diete, hurrenkera honetan: lehendabizi, gertuen dutenetako bati, eta gero, horietakoren batek triangeluaren goiko erpinean dagoenari.

• Baloia laukiaren beste aldean dago orain, eta jokalari guztiak ere alde horretara joan dira, trantsizioak landuz. Eta jokalari urdin guztiak laukiaren barruan daude. Jokalari gorrien artean, 3 daude laukiaren barruan, eta beste 3rak kanpoan, triangelua osatuz. Orain, jokalari urdinak dira baloiaren jabe, eta jokalari gorriek saiatu behar dute lapurtzen.

• Orain, laukiaren beste aldean dira berriz denak, berriz ere trantsizioak egin eta gero. Gorriek baloia lapurtu diete urdinei beste alderdian, eta triangeluko taldekideekin jokatu eta gero, beraiek dira orain baloiaren jabe. 3 jokalari urdin, aldiz, defentsako lanean daude orain, eta beste 3 laukiaren kanpoaldean daude, triangelua osatuz.

HELBURU NAGUSIA

• Trantsizioak lantzea

BESTELAKO HELBURUAK

• Mugimendu taktikoak egitea: aurkariari ihes egitea
• Jokalari gehiagorekin erasotzea
• Jokalari gutxiagorekin erasotzea
• Teknika lantzea: paseak eta kontrolak

IRAUPENA

• 2×10′ ko lana izan daiteke, tartean errekuperazioa eginez, edo 15’koa segidan.