…eta zergatik ez aurreko partidetan? Horixe pentsatuko dute zuri-gorriek. Hapoelen zelaian irabazi egin du Athletic, Europako Ligako azken-aurreko jardunaldian. Baina ez du ezertarako balio, garaipenek ezertarako balio ez dutela esatea ez bada gehiegi behintzat. Balio, beti balio baitute… konfiantza hartzeko jokalariek, zaleak pozteko… eta Europan izanik, klubarentzat sosak biltzeko ere bai.

Llorentek eta Toquerok sartu dituzte golak, eta aurrelariek sarea zulatzea beti da albiste ona. Noiztik zeuden bi hauek golik sartu gabe? Ondo etorriko zaio taldeari bien gaurko eraginkortasuna.

Harrobiko jokalariez gainezka egon da taldea, eta horiekin Europan irabaztea albiste ona da ere.

Horrela kontatuta, merezi izan du bidaiak. Hori bai, halakoak gutxitan izatea hobe. Jokoan ezer ez edukitzea garai honetan ez baita seinale ona izaten.