Txapeldunen Ligan ez zaio denbora asko geratzen Realari, gaur hirugarren partida galdu duelako. Hiru jokatu eta hirurak galdu. 0 puntu. Manchester Unitedek menderatu du Reala, lehen minutuan Iñigo Martinezek bere atean sartutako golaren bidez.

Jagoba Arrasateren taldeak izan du aukera bat edo beste, baina Unitedek ere bai markagailuko aldea handitzeko.

Hiru partida geratzen dira multzoen fasea amaitzeko, eta zail ditu gauzak Realak. 7 puntu ditu Manchester Unitedek, 6 Bayer Leverkusenek, 4 Xhaktharrek eta 0 Realak.

Realaren hurrengo partida azaroaren 5ean izango da, Anoetan, gaurko aurkari bera kontrario duela. Gero, Donetsken jokatuko du Xhaktharren aurka, eta azken partida etxean izango du Bayerren kontra.