Futbolean denetarik izan ohi da, onetik eta txarretik, eta halaxe gertatu zitzaien asteburuan Euskal Herriko hiru taldeei Emakumezkoen Lehen Mailako jardunaldian.

Realak handia egin zuen, Espanyol indartsua menderatuz (2-1).

Athleticek huts egin zuen Madrilen Atleticoren aurka, berdintzea kale egitea baita titulua lortzeko borrokan dabilenarentzat (0-0). Hori gutxi ez, eta emaitza bera baino kontu txarragoa jasan izan behar du taldeak: Aitziber Juaristi ‘Tzibi’ lesionatu egin zen beroketan, eta belauna txikitu zuen. Eskuin belauneko aurreko lotailua hautsia dauka, eta ez du gehiago jokatuko denboraldi honetan.

Lagunakek ere huts egin zuen Olivroren zelaian. Azken-aurrekoa izan arren, nafarrek ezin izan zuten aurkaria gainditu, eta galdu egin zuten (3-2).

Sailkapenean, honela daude gureen kontuak: Athletic 2. dago, baina Bartzelona bi puntu aurretik du. Reala 7.a da, eta Lagunak 14.a (hiru puntura du jaitsiera).

Emaitzak eta sailkapena.