Realak zazpigarren bukatu zuen aurreko Liga, eta horrek ondorio hau ekarri dio: Europako Ligako multzoen fasean sartzeko bi kanporaketa gainditu beharra. Gaur du aurrenekoaren joaneko partida.

Anoetan izango da (20:30, ETB1), eta aurkaria Aberdeen. Eskoziako taldea aurreko kanporaketatik dator, eta alde horretatik, aldea du Realarekiko, hauentzat gaurkoa izango delako denboraldi berriko partida ofiziala.

Jagoba Arrasatek atzo esan zuen bezala, “irabazteko presioa baino gehiago, irabazteko beharra daukagu”. Reala da faboritoa, eta gainditu egin behar du kanporaketa. Eskoziarrak menderatu eta hurrengo kanporaketako aurkaria ere azpiratu egin behar du. Reala Europako Ligako multzoen fasera ez sailkatzea kolpe galanta litzateke.

Hauxe da Aberdeeneko jokalari multzoa.

Kanporaketa guztiak.