Ligako aurreko etxeko partidan, Espanyolen aurka berdindu egin zuen Athleticek (3-3). Aurreko asteburuan, Betisen zelaian galdu (2-1). Gero, Europako Ligan, Moskun, galdu berriz (2-1). Eta gaur Malaga izango du aurrez aurre San Mamesen, Ligako partidan (16:00).

Bistan da emaitzen bolada txarrari etena jarri behar diola. Eta argi dago bolada txar horren ondorioei ere bidea itxi behar zaiela. Hortaz, gaur, puntuak eta beste gauza asko izango ditu jokoan.

Sailkapenari begira ere, garrantzitsua izango da. Puntu bat atzetik dago Bielsaren taldea Malagarekiko.

Bielsaren adierazpen batzuk

• “Partida estua izango da”.
• “Ez dugu gaizki defendatzen, eta ez ditugu akats taktikoak egiten. Arriskatu egiten dugu”.
• “Gol asko jaso ditugu azkenaldian, eta onartzen dugu atzean sartuta jokatuko bagenu aukera gutxiago egingo zizkigutela aurkariek, baina guk ere gutxiago sortuko genituen”.
• “Jokalarien akatsen eragilea izan daiteke partida pilaketa”.

Pellegriniren adierazpen batzuk: 

• “Bielsak bere estiloa eman dio Athletici, eta oso aurkari zaila izango da”.
• “Urtarrilean partida asko jokatu ditu Athleticek, baina ez dut uste eragingo dienik. Bloke berari eutsiko dio”.

Muniain eta Cazorla, lehen itzuliko partidan, Malagan. Etxekoek irabazi zuten (1-0). MALAGA CF