Erakargarria dator arratsaldea San Mamesen. Jokatzeko eredu polita duten bi talde aurrez aurre: Athletic eta Celta. Orain arte, etekin gutxi atera diote edertasun horri. Athleticen hutsunea non dagoen jakina da, eta Celtarena ere antzekoa da: oreka falta zaie biei.

Athletic talde erraza izaten ari da aurkarientzat. Golak erruz jasotzen ditu, eta sartzea dezente kostatzen zaionez (salbuespen batzuk izan ezik), sailkapeneko zenbakiak ez dira harritzekoak. Non dago oreka?

Celtaren arazoa beste muturrean dago. Oreka falta du bai, baina alderantziz: erasoan dauka zuloa, ezin golik sartuta ibiltzen baita. Defentsan lan hobea egiten ari da, ez dizkiote asko sartu. Non dago oreka?

San Mamesekoa nondik nora joango den ezin jakin, baina oreka lortzen duenak irabazteko aukera gehiago izango ditu. Bakoitzak du bere orekaren beharra, eta gaur, ezinbestean, aurkitu egin beharko dute. Athleticen onerako, jarrai dezala Celtak golen poza jan gabe. Garaipenaren oinarria izango litzateke.

Celtari baloia erabiltzea gustatzen zaionez, eta aurrealdean jokalari bizkorrak dituenez, erne baino erneago ibili beharko du Athleticek. Hortxe du gabezia, defentsako lan kolektiboan, eta ezinbestean hobetuko beharko du horretan.

Erakargarria ez ezik, interesgarria ere badator neurketa hau.