Bukatzetik gertu daude Nazioarteko Liga nagusiak, eta gauzak argitu dira leku batzuetan. Beste zenbaitetan, argituz doaz.

Hauxe da asteburuak eman duenari errepasoa, Ligaz Liga:

• Espainiako Ligan: Real Madrilek irabazi egin zion Bartzelonari (1-2), eta oso gertu du txapelketa. Gaur osatuko da jardunaldia, Osasuna-Malaga partidarekin. Emaitzak eta sailkapena.
• Ingalaterran, Premier Leaguen,Manchester Unitedek hiru puntu baino ez dizkio ateratzen Manchester Cityri, eta datorren asteburuan elkarren aurka ariko dira Cityren zelaian. Behean, Wolvesek Maila galdu du. Emaitzak eta sailkapena.
• Alemanian, Bundesligan, Borussia Dortmund da txapelduna, bigarren aldiz jarraian. Bi jardunaldi falta dira denboraldia amaitzeko. Kaiserslauternek Maila galdu du. Emaitzak eta sailkapena.
• Italian, Lega Serie An, Juventusek puntu batean handitu du Milani ateratzen dion aldea; hirukoa da orain, eta bost partida falta dira. Atzealdean, Genoa asko gerturatu da zulora, eta entrenatzailea bota du: Alberto Malesani (bigarren aldiz bidali dute kalera sasoi honetan Genoan). Luigi de Caniok ordezkatuko du. Emaitzak eta sailkapena.
• Frantzian, Ligue 1en, ez da aldaketarik bost jardunaldiren faltan. Lehia estua dute Liga irabazteko Montpellierrek eta PSGk, eta  behean, azken-aurrekotik 12.era lau puntu baino ez daude. Emaitzak eta sailkapena.
• Argentinan, Clausuran, Boca da lidergoan, baina gaur Newell’sek irabazten badu (Arsenalen zelaian), lider berria izango da. Emaitzak eta sailkapena.

Bideo honetan, Borussia Dortmunden inguruko bideo bat ikusgai:

 
http://www.youtube.com/watch?v=FmKbczcFd70