Philippe Montanierrek asteko agerraldia egin du goizean, partiden aurretik egin ohi duena. Bihar, Realak Zaragoza izango du aurkari Anoetan (18:00), eta Normandiako entrenatzaileak gogoeta interesgarriak egin ditu.

Realeko twitter ofizialean bildu dituzte esanguratsuenak, eta hemen jaso ditugu:

• “Hurrengo partida izaten da beti urteko neurketa, eta gure kasuan, biharkoa da. Partida denak dira urteko garrantzitsuenak”.
• “San Mamesen galtzea pena izan zen, baina garrantzitsuena guretzat biharko partida da”.
• “Erdilari on asko dauzkat, eta nahiago dut hala izatea, eta arazoak edukitzea nor zelairatu aukeratzeko garaian”.
• “Konfiantza daukat biharko, eta espero dut Anoetan hartu dugun emaitza bolada onari eustea. Zaleek lagunduko digute horretan”.
• “Zaragoza lauzpabost jokalarirekin iristen da aurkariaren areara, eta kontuan hartzekoa da hori”.
• “Espainiako Ligako epaileen maila ona da, nahiz eta azkeneko partidetan zenbait erabaki kontrakoak izan ditugun”.