Philippe Montanier badoa. Realetik Roazhonera. Bi denboraldi egin ditu Donostian, eta bere aginduetara, handia egin du taldeak: Txapeldunen Ligan ariko da datorren denboraldian. Baina hala ere, Normandiako entrenatzaileak ez du zuzenduko Reala lehiaketa handienean.

Agurreko prentsaurrekoa eman du gaur, eta hauek dira berak esandakoak:

• “Triste samar nago, giza abentura baten amaiera delako”
• “Bi proposamen neuzkan: bata, urtebetekoa eta Txapeldunen Ligan aritzeko aukera ematen zidana; bestea, hiru urtekoa. Eskertzen dut Realaren eskaintza, baina pertsonalki nahiago dut epe ertaineko proiektu bat. Erabakia profesionala izan da”.
• “Garrantzitsuena ez da proposamena noiz jasotzen duzun. Realarekin hitz egitea izan zen lehen pausoa”
• “Entrenatzaileok ezin dugu eduki dena. Realarekin Txapeldunen Liga ezin dudala jokatu da nire desabantaila”
• “Animo oihu asko entzun dut kalean”
• “Erru pixka bat badut Realak lortutakoan, baina beste erronka bati ekiteari eman diot lehentasuna: Espainiako Liga da munduko onena, baina Frantziakoak bere maila berreskuratzea espero dut”.
• “Etorkizun bikaina dauka talde honek. Bide onean da taldea, hazten jarraituko du, eta arrakasta hau Europan berrestea espero dut”.
• “Jokalarien talentuagatik eta euren arteko laguntasunagatik sartu gara Txapeldunen Ligan”.