Jose Luis Mendilibarrek Osasunan segituko du. Beste urtebetez luzatu du kontratua klubarekin, eta honenbestez, 2013ko ekainaren 30a arteko tratua itxi dute bi aldeek.

Joan zen denboraldian hasi zen Osasunan lanean, 2011ko otsailaren 20an, Jose Antonio Camacho ordezkatuz, eta zenbaki onak egin ditu taldeak berarekin: 48 partida zuzendu ditu Liga eta Kopa batuta, eta 20 irabazi, 15 berdindu, eta 13 galdu.

Toni Ruiz prestatzaile fisikoak ere urtebetez luzatu du kontratua. Mendilibarrekin dabil Lanzaroten elkarrekin lanean hasi zirenetik.

Duela bi hilabete, elkarrizketa zabala egin genion Zaldibarkoari, eta pasarte bat ikusteko aukera daukazue hemen: