Marcelo Bielsaren ariketa bat, jokalarien trukatzea edo permutazioa lantzeko
Ariketa sorta oparoa dauka Athleticeko entrenatzaileak, eta hau da bat. Taktikako printzipio bat lantzeko erabiltzen du, defentsari dagokiona, hain zuzen: jokalarien trukatzea edo permutazioa
1. MUGIMENDUA
1 zenbakidun jokalari urdinak desmarkea egiten du, parean duen atzelariaren atzera, eta bere taldekideak,
2 zenbakidunak, baloia pasako dio.
2. MUGIMENDUA
Talde gorriko 2 zenbakidun jokalaria azkar joango da baloiaren aurrean jartzera, diagonalean lasterka eginez, eta bere taldekideak gauza bera egingo du. Bi jokalariek egin dute trukatzea edo permutazioa.
3. MUGIMENDUA
Erasoan, 2 jokalariak egingo du orain desmarkea, eta 1 zenbakidunak emango dio pasea. Defentsan, 1 zenbakiduna joango da baloiaren aurrean jartzera, diagonalean mugituz, eta 2 zenbakidunak gauza bera egingo du. Horrela, trukatzeekin eta permutazioekin segituko dute.
