• Granada 10 jokalarirekin geratu da lehen zatia amaitu baino sei minutu lehenago, baina Athleticek ez du baliatu aukera hori. Nork esan zuen 1oekin hobeto jokatzen dela? Helenio Herrerak esanari ezin kontra egin gaurkoan, nahiz eta logikak beste zerbait esan.
• Penalti gehienen emaitza gola izaten da, baina gaur, Llorentek kale egin du. Laugarren penaltia bota du harrika jarraian. Logikak huts egin du.
• Jokalari bat gutxiagorekin den taldeak gol bakarreko aldea badu, sufritzea tokatzen zaio ia beti: atzean sartuta, baloia gainetik kenduz, aurkariaren area zientoka kilometrora ikusiz… Baina gaur ez. Gaur Granadak beste gol bat ere egin du egoera horretan, eta 2-0 jarri da aurretik. Logikari hortzak erakutsi dizkio etxeko taldeak.
• 10ekin den taldeak halako aldea izanda azken hamar minutuetan, ohikoa izaten da bat gehiagorekin dagoenak bandera zuria ateratzea. Kolpe latza baita bi golez atzetik egotea eta jokalari bat gehiagoz. Baina Athleticek orduan berdindu du partida, eta irabazi ez duenean… Logika menderatu du lehiarekin eta gosearekin, eta ilogikoa zena ia logiko bihurtu.

Nork esan zuen futbola logikaz beterik dagoela? Ez beti. Gaur, Granadan, behintzat, ilogikak astindua emanez irabazi dio logikari.

EFE