Ingalaterrako taldeek hiru lehiaketa jokatzen dituzte urtero bere herrialdean, eta horietako batean zehaztuta daude finalistak zein diren: Liverpool eta Cardiff. Otsailaren 26an jokatuko dute finala. Wembley estadioan (Londres).

Atzo lortu zuen finalerako txartela Liverpoolek, Manchester City kanpoan utzita. Anfielden jokatu zuten itzuliko partida, eta berdindu (2-2). Joanekoan talde gorria nagusitu zen (0-1). Atzo, bi aldiz aurreratu zen Manchester City, baina Liverpoolek berdintzea lortu zuen. Hemen atzoko datu hainbat.

Cardiff, txapelketako ezustea

Liverpoolen finaleko aurkariak aho bete hortz utzi ditu futboleko jarraitzaile guztiak, ezuste handia baita finalean sartu izana. Cardiff City  Championship-en ari da jokatzen, Bigarren Mailan, eta hirugarren doa sailkapenean.  Denboraldiko lana biribiltzeko Curling Cup-en ere egundoko lana ari da egiten. Finalerdietan Crystal Palace utzi du kanpoan, penaltietan; Londreseko taldea ere Championship-en ari da jokatzen. Aurreko kanporaketetan, Blackburn Rovers utzi du kanpoan, besteak beste.

Galesko taldekaren entrenatzailea Malky Mackay da. Jokalarien zerrenda hemen klikatuta ikus daiteke.