Espainiako Kopan, ez zen eguna izan atzokoa gure taldeentzat, hiru taldeek kale egin zutelako. Ez dira izango final 1/16etan Leioa, Barakaldo eta Izarra. Alavesek bakarrik lortu du aurrera jarraitzea, eta arabarrez gain, Lehen Mailako taldeak sartuko dira biharko zozketan (10:30ean). Horrenbestez, Eibar, Reala eta Athletic lehian sartuko dira orain.

Final 1/16etako kanporaketa abenduaren 3an eta 17an izango da, joan-etorriko bi partidetan. Lehen Mailako hogei taldeez gain, beste hauek ere lehian daude, aurreko kanporaketetatik datozenak:

• L’Hospitalet
• Cadiz
• Cornella
• Alcoyano
• Huesca
• Valladolid
• Oviedo
• Albacete
• Betis
• Alaves
• Las Palmas-Numantzia partidako garailea (gaur jokatuko dute)
• Sabadell