Bi munduk elkar ikusiko dute gaur. Aberatsen luxuak, batetik, eta herriaren baliabide xumeak, bestetik. Kartera atera, eta nahi dituen jokalariak fitxatzen ditu Malagak. Realak harrobian dauka begia jarrita, eta kartera ateratzen duenean fitxaketak egiteko, txanpona besterik ez du aurkitzen.

Horrela kontatuta, herritar apalen taldea aberatsen nahien mendean ibiliko da gaur. Baina dena ez da dirua. Herritarren indarra herriarekiko loturan dago. Aberatsen baitan, kide bakoitza bere herriari atxiki zaio, ez aberatsen erresumari. Lotura horretan, gehiago da herriko taldea. Hori non islatu behar den? Borrokarako gogoan. Herriak jekea boteretik bidali nahi badu, borroka egin beharko du.

Bakoitzak erabiliko ditu bere baliabideak. Aberatsen jokalariak hobeak dira teknikoki. Gauzak erraz egiteko oztopoak jarri beharko dizkio herriak. Erraztasunak emanez gero, zapaldu egingo ditu jekeak.

Hortik aurrerakoa nola joango den ezin da jakin. Baina herriak ere estutu beharko du jekea; eraso egin beharko dio. Bestela, eutsi eta eutsi, erori egingo da.

Lehen itzulian, herriak menderatu egin zuen jekea, ohikoak ez dituen baliabideak erabiliz. Gaur zergatik ez?

http://www.youtube.com/watch?v=Fmmm7BQZlhs