Helburua bete du!

Egilea:

Data: 2012/03/25

Osasuna irabazi egin du Levanteren zelaian (0-2), eta denboraldiko erronka nagusia gauzatu du: mailari eustea. Eta orain zer?

Txaloak jotzeko garaia da Osasunaren inguruan. Txaloak Mendilibarri, txaloak jokalariei. Datorren denboraldian ere Lehen Mailan izango da.

Aurreko denboraldietan ere gauza bera idatzi izan da, baina badago aldea aurtengora. Izan ere, bederatzi partida falta direla lortu du. Bada zerbait!

Gaurkoa egun handia izan da. Helburua gaur bertan gauzatzeko, Levanteren zelaian irabazi beharra zegoen, eta bai irabazi ere (0-2). Ligako bi ezuste handiak buruz buru, eta gurea garaile. Etxetik kanpo lortu duen bigarren garaipena lortu du sasoi honetan.

Golegileak Raul Garcia eta Nino izan dira. Lau hilbate zeraman aurrelari txikiak golik sartu gabe.

Orain, lehiatuz gozatzera

Helburua lortu eta gero, oporrak hartzeko tentazioa izaten da, baina Mendilibarrek majo estutuko ditu jokalariak. Motiboak badaude lanean segitzeko. Europan lehiatzeko aukera oraintxe bertan berea du, eta horra borrokan segitzeko heldulekua. Helburu nagusia gauzatuta, beste baten bila joan behar da, eta Europa du izena.