Bosgarrenean ere ezin. Osasunak irabazi gabe segitzen du Espainiako Ligan, Zaragozaren zelaian galdu egin baitu gaur (3-1).

Galtzen hasi da, berdindu egin du Armenterosek, eta gero, beste bi gol sartu dizkio etxeko taldeak, horietako aurrenekoa Timorrek bere atean egin badu ere; bestea, penalti bidez izan da.

Emaitza horrekin, azkena izaten segituko du Osasunak. Hori beti da kezkagarria, eta hobe azkar hastea garaipenak pilatzen. Jose Luis Mendilibarrek argi hitz egin du prentsaren aurrean gero: “Lehiakorragoak izan behar dugu”.