Munduko Kopa euskaraz jarraitzeko aukera izango da futbolmamia.com honetan: kronikak, analisiak, erreportajeak, Futbolmamia TBko saioak… Munduko Kopara emanak egongo gara erabat lehiaketak irauten duen bitartean. Jarraipen zehatza egingo diogu.

Gainera, futbolmamia.com elkarlanean ariko da berria.info eta Euskadi Irratiarekin. Honela gauzatuko da hori:

• berria.info-n partiden kronikak futbolmamia.com-ek egingo ditu, Munduko Koparako prestatu duten kanal berezian. Eta gurean sartzeko lotura han izango dute jarrita, gainera. Gure RSS jarioa ere bertan izango da, idazten dugun guztiaren berri izan eta handik sartzeko gurera.
• Euskadi Irratian, egunero izango da futbolmamia.com presente, eguerdiko kirol irratsaioan (Kirol Legez) eta asteburuko Hiru Erregeen Mahaia saioan, Munduko Koparen berri ematen.