Final 1/16etara sailkatu diren taldeak
EUROPAKO LIGA
Txapeldunen Ligatik datozen zortzi talde gehitu behar zaizkie. Zozketa abenduaren 20an izango da.
Bukatu da multzoen fasea Europako Ligan, eta 32 talde hauek sailkatu dira:
- Multzoetako garaileak: Liverpool, Viktora Plzen, Fenerbahce, Girondins, Steaua, Dnipro, Genk, Rubin Kazan, Lyon, Lazio, Metalist eta Hannover.
- Multzoetako bigarrenak: Anji, Atletico Madril, Borussia Monchengladbach, Newcastle, Stuttgart, Napoli, Basel, Inter Milan, Sparta Praga, Tottenham, Bayer Leverkusen eta Levante.
24 talde hauei gehituko zaizkie Txapeldunen Ligako multzoen fasean hirugarren sailkatu direnak multzo bakoitzean.
- Txapeldunen Ligatik datozenak: Dynamo Kyev, Olympiakos, Zenit, Ajax, Chelsea, Bate, Benfica eta Cluj.
Zozketa honela egingo dute: multzoko garaileak serie-buruak izango dira, Txapeldunen Ligatik datozen lau talde onenekin batera (onenak aurtengo multzoen fasean). Multzoko bigarrenak eta Txapeldunen Ligako beste lau taldeak batera egongo dira. Bi baldintza daude:
- Multzo berean egon direnak ez dira elkarren aurka ariko.
- Herrialde bereko bi taldek ez dute elkarren aurka jokatuko.
Multzoen faseko emaitza guztiak ikusi edota aztertu nahi duenarentzat, hemen aukera.