SISTEMAK

Bi erabili zituen Uralen aurkako partidan. 70. minutura arte 4-1-4-1 izan zen sistema, eta minutu horretatik aurrera, jokalariak aldatu zituenean, 4-2-3-1 erabili zuen Aleh Konanaw entrenatzaileak.

• 4-1-4-1

• 4-2-3-1

ERASOAN

• Dikan atezainak luze atera zuen batzuetan.
• Gehienetan, motzean jokatzen hasi ziren. Honela hartu zituzten lekuak zelaian jokalariek, motzean atera zutenean:

• Erdigunean saiatu ziren baloia ukitzen, hortik hegalatera zabaltzeko; batez ere, eskuin hegalera. Asko igo zen Endzeizhik hegaleko atzelaria, eta hor jarri zen zelaia zabaltzeko. Zelaiaren erdigunean bost jokalari pilatu zituzten: Joazinho eta Bistrov hegalekoak, Gazinskiy euskarria, eta Pereira eta Ahmedov punta-erdiak.
• Baloia ukitzean, ez zuten oso bizi ukitu. Makal antzean, zehatz esateko. Bizitzekotan erritmoa, Pereirak eta Ahmedovek bizitu zuten, kalitate tekniko hoberena biek erakutsi baitzuten.
• Aukerak eta golak sartzeko orduan, ez zituzten aukera asko sortu. Iritsi, iritsi ziren Uralen area inguruetara, baina ez zioten etekin handirik atera horri. Aukerak sortutakoan ere ez ez zuten eraginkortasun handirik erakutsi.

DEFENTSAN 

• Bi baliabide erabili zituen atzo: presioa eta lerroak atzeratzea. Presioa gero aztertuko dugu, trantsizioetan. Presioa egiteko itxura egin zuen Uraleko atezainak baloia hartu zuen ia denetan: lerroak aurreratuz, ez zion utzi Krasnodarrek Urali motzean ateratzen. Atera izan zuenean, presioa goian egin zion Krasnodarrek, 4-4-2 bat erabiliz (Pereira punta-erdia joaten zen Uraleko erdiko atzelari baten bila). Presioan, kontuan hartzekoa da Endzheizhik (5 zenbakiak) 1x1ko zaintza egin ziola Uraleko hegalekoari; baloia hartu gabe zuenean ere Uralekoak, Endzheihikek lekua galtzen zuen aurkariaren bila joateko, zulo handia utziz Sigurdsson eskuineko erdiko atzelariaren ondoan.Lerroak atzeratu bigarren zatian egin zuen batez ere, aldekoa zuenean emaitza. Oso atzean jarri zen talde osoa, defentsako lerroa ia arearen gainean zela. 4-5-1-en itxura hartu zuen gehienetan taldeak egoera horietan. Egoera honetan nabarmendu behar da eskuin hegaleko erdilariak (Bystrov) erdira asko jo zuela defentsako lanean, bere hegalean zuloak utziz.

TRANTSIZIOAN 

• Defentsatik erasora: lerroak atzeratuta aritu zenean defendatzen, gero azkar bilatu zuen Uralen atea, kontraerasoen bitartez. Ahmedov eta Pereira oso abilak dira paseen bidez abiadura ematen jokoari, eta arriskutsuak izan ziren kontraerasoetan. Labordek ere erakutsi zuen lan ona egin dezakeela horretan, Izmailovekin eta brasildarrekin batera (Joazinho eta Vanderson). Talde arriskutsua ematen du kontraerasoetan.Presioan goian egin eta gero baloia lapurtu zuen bakoitzean, azkar saiatu zen Uralen atera joaten, denbora asko galdu gabe.  Presaka eta azkarregi ere bai zenbaitetan.

• Erasotik defentsara: baloia Uralen zelaian galdu zuen bakoitzean, presioa egin zuen, azkar berreskuratzeko baloia. Ez zen oso presio oldarkorra izan, baina lerro guztiak oso aurrera bota zituen halako egoeretan Krasnodarrek. Lan horretan, lan ona egin zuen Gazinskiy euskarriak, baloi asko lapurtuz. Presioa eraginkorra ez zenean izan, lerroak atzeratu zituen, baina zelai-erdiko jokalariei (Gazinskiyri izan ezik) asko kostatu zitzaien atzera itzultzea. Uralek min dezente egin zion kontraerasoan.

GELDIKAKO JOKALDIAK

• Erasoan, alboko falta bateko jokaldia: geldikako jokaldietan, deigarriena eta arriskutsuena jokaldi hau izan zen. Talde askok egiten dute: errematearen bila sartu jokalari asko, eta bat atzetik azaldu penalti puntura, pase motza jaso eta atera jaurtitzeko. Ia atera zitzaien.