Datorren denboraldian ere ez da Euskal Herriko talderik izango Bigarren Mailan. Atzo Eibarrek bezala, gaur Amorebietak egin du kale lehen kanporaketan. Galdu egin du Linenseren zelaian (2-1), eta etxean berdindu egin zuenez (1-1), ez da igoko.

Emaitza guztiak, hemen.

2.B Mailarako igoera

Hemen bestelakoa da egoera. Sei taldek segitzen dute igotzeko aukerekin. Hauek izan dira emaitzak:

• Peña Sport-Logroñes (3-0). Logroñes zuzenean igo da, joaneko emaitzagatik (4-0). Nafarrek bi kanporaketa gainditu beharko dituzte igotzeko.
• Ourense-Laudio (1-0). Ourense igo da zuzenean, joanekoan ere irabazle izan zenez (1-3). Arabarrek ere igotzeko aukera dute, bi kanporaketa gaindituz gero.
• Barakaldo-Parla (2-1). Joanekoan ere bizkaitarrak izan ziren garaile (0-2).
• Portugalete-Mar Menor (1-0). Berdindu egin zuten joanekoan (1-1).
• Levante B-Beasain (2-1). Joanekoan, berdindu egin zuten (3-3).
• San Fernando-Mutilvera (1-0). Joanekoan berdindu egin zuten (1-1).
• Izarra-Utebo (4-2). Joanekoan galdu egin zuten nafarrek (3-2).
• Tudelano-Azuqueca (2-1). Joanekoan berdindu egin zuten (1-1).

Horrenbestez, hurrengo kanporaketak izango dira hauek: Laudio, Peña Sport, Barakaldo, Portugalete, Izarra eta Tudelano.

Emaitza guztiak, hemen.