Mourinho eta Bielsa. Real Madril eta Athletic.

Parez pare denak, gaur gauean Madrilen (22:00).

Historia loriatsua dute biek antzekotasun; hortik aurrera, ezer ez.

Estiloak hizpide berriz ere. Entrenatzaileen araberakoa da (ez bada Bartzelona bezalako klub bat, estilo zehaztua duena maila eta talde guztietan). Mourinhok berea du, Bielsak ere berea.

Real Madril hau indartsua da, aldagai fisikoa kontuan hartuta. Potentzia handiko jokalariak dauzka. Zirt eta zart egiten duten horietakoak, gauza handirik behar izan gabe. Instant batean, gola (edo golak). Kontraerasoa du zutabeetako bat, eta lehia irekitzen bada, txiki utz dezake aurkaria. Jokoa zuzena da alde horretatik, oso bertikala; lore jokoak ez egin zalea.

Athletic zer den badakigu. Baloiaren jabe egin, erabili aurkariaren areara heltzeko, eta defentsan, presioa, kontrarioa ito arte. “Gure marka utzi nahi dugu Madrilen”, esan zuen atzo Bielsak. Bere estiloa ezartzeaz ari zen. Hori gabe jai daukala jakitun. Beste gauza bat da gai izango den edo aurkariak utziko dion estiloa gauzatzen.

Egin diezaioke min Athleticek Real Madrilek, baina baita alderantziz ere, zuri-gorriak baloiarekin zehaztasunik gabe eta arriskuak hartuz ibiltzen dira. Oreka aurkitu behar du taldeak. Estiloaren barruan oreka.

Horrela ikusita, ez du erraza ematen gaurkoak, baina…