Aurreneko ezuste handia izan da Afrika Kopan: Senegal, aldez aurretik faboritoen artean zena, final-laurdenetan sartzeko batere aukerarik gabe geratu du. Atzo, etxeko selekzioak, Ekuatore Gineak irabazi zion (2-1) A multzoko bigarren jardunaldian, eta aurrenekoan ere galdu egin zuenez Zambiaren aurka etxerako bidean da. Aldiz, etxeko taldea final-laurdetan sartu da, bi partida jokatu eta biak irabazi baititu. Multzo bereko beste partidan, berdindu egin zuten Libiak eta Zambiak (2-2).

Herenegungo partidei dagokionez, D multzoko neurketak jokatu zituzten, eta ez zen ezusterik izan: Malik irabazi egin zion Gineari (1-0), eta beste horrenbeste egin zuen Ghanak Botswanaren aurka (1-0). Hemen dituzue hiru partidatako golegileak eta golak:

A MULTZOA (2. jardunaldia)

EKUATORE GINEA-SENEGAL (1-0)

Golak: Ekuatore Ginearenak Iyangak (62. minutuan) eta Alvarezek (94. minutuan), eta Senegalena Mouss Sowk (89. minutuan).

http://www.youtube.com/watch?v=m2clQTtzlbY

LIBIA-ZAMBIA (2-2)

Golak: Libiarenak Ahmed Osmanek (5. minutuan eta 47. minutuan), eta Zambiarenak Mayukak (29. minutuan) eta Katongok (54. minutuan).

http://www.youtube.com/watch?v=d4J2yAaTfG0&feature=related

D MULTZOA 

MALI-GINEA (1-0)

Gola: Bakaye Traore (31. minutuan)

http://www.youtube.com/watch?v=utcYXqnbt_c&feature=related

GHANA-BOTSWANA (1-0)

Gola: John Mensah-k (25. minutuan)

http://www.youtube.com/watch?v=DXwL2hrzynQ

Gaurko partidak

B multzoko bigarren jardunaldia jokatuko dute gaur. Hauek dira bi partidak:

SUDAN-ANGOLA (17:00, Malabo)
BOLI KOSTA-BURKINA FASO (20:00, Malabo)