Ariketa osoa da hau, gauza asko lantzeko aukera ematen baitu. Defentsako eta erasoko baliabide batzuk egiteko egokia da.

AZALPENAK

• Zelaiaren erdian egiteko ariketa da.
• Bi talde ariko dira aurrez aurre: batean 7 jokalari, bestean 6 + atezaina
• 7koa hasiko da, eta gola sartu behar du ate handian.
• 6ko taldea lerroak asko atzeratuta egongo da.
• 6ko taldeak baloia berreskuratzen duenean, gola sartzera joan behar du 3 ate txikietako batera (zelai-erdiko marran daude jarrita). Lortu behar du baloia ahalik eta urrutien galtzea, galtzekotan.
• 7ko taldeak baloia galtzen duenean, presio handia egin behar du baloia berreskuratzeko.
• 7ko taldeak baloia berreskuratzen duenean 6ko taldeak lerroak asko atzeratu behar ditu.
• 7ko taldeak baloia duenean, oso garrantzitsua da zelaia zabaltzea, jokalari bat gehiagorekin daude eta.

Marrazki hauetan erakutsiko ditugu ariketan gerta daitezkeen hainbat egoera.