Brasil-Mexiko partidaz, gogoeta taktiko hau egin dugu:

• Mexikok 5-3-2 marrazkia erabiltzen du Miguel Herrera entrenatzaile denetik. Brasilen aurka ez zuen aldatu.
• Azkeneko lerroan, 5eko horretan, aldaketak izaten dira, ordea. 5 jokalari edukitzeak aukera ematen dio horietako bat aurreratzeko, zaintza estua (ia bakarkakoa) egiteko aurkari bati.
• Horixe egin zuen Mexikok. Honela: Neymarren gainera ateratzen zen Maza Rodriguez erdiko atzelaria. Normalean bere inguruan ibili zen Neymar, eta horregatik atera zen Rodriguez brasildarraren atzetik. Baina Marquez ere ibili zen lan horietan, eta baita Moreno ere. Beren inguruko aurkariren bat jaisten bazen baloiaren bila (Neymar edo beste bat), atzetik jarraitzen zioten.
• Horrenbestez, eta ondorio bezala hauxe: 5-3-2 hori 4-4-2 (edo 4-1-3-2) antzeko bat bihurtu zuen Mexikok askotan.