Partida guztietan dago puntuak lortzeko aukera, eta denetara atera behar da horretara. Horregatik bakarrik, Realak aukera ederra dauka puntuen zakua gizentzeko. Granadan jokatuko du eguerdian (12:00).

Hiru puntuak ateratzeko lehia horretan beti egoten da beste aurkari bat parean, eta aldea dago batetik bestera. Granada ez da Ligako indartsuena, ezta gutxiago ere, eta horrek Realaren aukerak haditu egiten ditu. Baina, jakina, gero zelaian erakutsi behar da zein den hobea.

Montanierren taldea ondo dabil, eta astelehenean Sevillari irabazio ziolako gorako bidean jarri zen sailkapenean. Gaur, bolada onaren katea luzatzen segitu beharra dauka. Neurketari aurretik begiratuta, ematen du Realak berea egiten badu, ez dela oso aparte ibiliko hiru puntuak biltzetik.

Montanierren adierazpen batzuk

• “Oso argi daukat zein den gure helburua: 45 puntu lortzea”.
• “Futbolean gauzak azkar igarotzen dira, eta gu taldearen oreka lortu nahian ari gara; oraindik, ahua da oreka hori”.
• “Granada azken jardunaldietako talde onena izaten ari da Vila-real eta Real Madrilekin batera”.

Abelen adierazpen batzuk

• “Reala gorako bidean doan taldea da”,
• “Oso maila ona eman beharko dugu irabazteko”.
• “Realak oso lan ona egiten du, jokalariak oso elkartuta egoten dira zelaian, eta zaila da gainditzen”.
• “Intentsitate handiz jokatu behar dugu, oso ondo lehiatu, eta pazientzia eduki behar dugu”.