“Aspaldiko asterik onena izan da hau entrenamenduetan”. Puñalen hitzak dira, asteon esanak. Osasunan lanerako grina handitu egin du, nonbait, Bartzelonari irabazi izanak. Aldarte bikain horrekin jokatuko du bihar Sevillan (22:00).

Kataluniarrei irabaztea kolpea izan zen, eta bihar beste hiru puntu batzea ere kolpea izango da; baina ez Sevillak izena duelako, Osasunaren ibilian beste urrats handi bat egitea litzatekeelako, baizik.

Mendilibarrek gaur eman du deialdia, eta ez da ezusterik.

Sailkapenean, aldea dauka Osasunak, 5 puntu aurretik dago. Zortzigarren dira nafarrak, hamahirugarren espainiarrak.

Mendilibarren adierazpen batzuk

• “Ondo entrenatzea gauza bat da, eta partidak jokatzea beste bat. Egur pixka bat eman diet aste honetan, eta ondo aritu dira jokalariak, zintzoak direlako. Baina beste aste batzuetan ere egin ditugu entrenamendu onak, eta gero, oso gaizki jokatu partidan”.
• “Bihar ezin dugu lo atera. Intentsitate handiz aritu behar dugu”.
• “Bartzelonaren aurka oso ondo hasi ginen, eta gauza bera egin behar dugu. Bartzelonaren aurka egin bagenuen, errazagoa izan behar du beste taldeen aurka egitea”.

Michelen adierazpen batzuk

• “Sailkapenak ez dauka garrantzirik orain guretzat. Aurkaria eta gu geu dauzkagu aurdura nagusitzat”.
• “Irabaztea baino ez daukat buruan; ez naiz ari beste gauza batzuei begira”
• “Osasunaren aurka jokatzea beti izaten da zaila. Mendilibarren taldeak gustuko ditut, intentsitate handiz aritzen dira, eta oso ondo jokatzen dute. Bere taldeak lehiakorrak izaten dira beti”.