Kluben arteko lehiaketak jokoan direnean, ez da erraza izaten selekzioen arteko txapelketak arreta osoa bereganatzea. Ematen du garrantzia txikikoak direla. Uste hori handitu egiten da txapelketa horiek Asiakoak eta Afrikakoak badira. Ez dute Munduko Koparen edo Europokaren jarraipenik izaten.

Kontua da Asiako Kopa jokoan dela aurreko astetik, eta gaur hasiko dela Afrikako Kopa. Afrikakoak dauka Asiakoak baino izen handiagoa. Badu xarma berezi bat, Afrikako futbolariek aspalditik bereganatu baitute beren espazio propioa Europako futbol taldeetan. Lehen exotikoa zena ohiko bilakatu da orain, eta zenbait kasutan, klub batzuetako izar handienak dira afrikar jokalariak.

Horietako batzuk ariko dira gaurtik Ekuatore Ginean ariko direnak, Afrikako txapelketa nagusian.

16 selekziok jokatuko dute, lau multzotan banatuta:

A multzoan daude Ekuatore Ginea, Burkina Faso, Gabon eta Kongo.

B multzoan daude Zambia, Tunisia, Cabo Verde eta Kongoko Errepublika Demokratikoa.

C multzoan daude Ghana, Aljeria, Hegoafrika eta Senegal.

D multzoan daude Boli Kosta, Mali, Kamerun eta Ginea.

Multzo bakoitzeko lehen bi sailkatuek jokatuko dituzte final-laurdenak. Finala otsailaren 8an izango da.

Gaurko partidak hauek dira:

• Ekuatore Ginea-Kongo (17:00)
• Burkina Faso-Gabon (20:00)

ASIAKO KOPA

Australian ari dira jokatzen, eta bukatzear da aurreneko fasea. Sailkatuak daude final-laurdenetara Australia, Hego Korea, Iran, Japonia eta Arabiar Emirerri Batuak.

Finala urtarrilaren 3an jokatuko dute.