Baloiaren jabetza lantzeko ariketa asko daude. Hau da horietako bat. Taula honetan zehaztu ditugu hainbat kontu, eta gero azalduko dugu nola egin behar den.

ARIKETA

ARIKETAREN AZALPENA

• Zelai-erdi osoan egin behar da.
• Lau lauki jarri behar dira lau ertzetan.
• Paseen bidez, baloiaren jabe den taldeak laukietara eraman behar du baloia. Gola honela kontatuko da: laukiaren kanpotik baloia pasatuko du batek laukiaren barrura, han sartu berri den taldekideari emateko. Barrukoak kanpoko taldekideren bati itzuli beharko dio baloia. Hori dena ondo egitean, gola kontatuko da.
• Lauki batean gola sartu eta gero, beste batean sartu beharko du talde horrek. Ezingo du azkena sartu duen laukian sartu.
• Gola sartzen denean, talde horrek segituko du erasoan.
• Laukiak ezingo dira jokalariez bete. Hutsik egon behar dute, eta egoera honetan bakarrik sartu ahalko da bertan: gola sartzeko. Defentsan ari den taldeko inork ezingo du baloia moztu laukiaren barruan.