Xabier Azkargorta entrenatzaile da berriz. Oso ezaguna duen lekuan. Boliviako entrenatzailea da bigarrenez. Aurreko aldian arrakasta handia lortu zuen, selekzioa 1994ko Munduko Koparako sailkatu zuelako. Orduan, ‘Bigotón’ ezizena jarri zioten herrialde osoan pertsonarik maitatuena bilakatu zenari.

Orain ere balentria bera lortzen saiatuko da. 2014ko Munduko Kopan izan nahi du Boliviarekin. Dagoeneko, jokoan dute sailkatze fasea, eta Azkargortaren taldea zazpigarrena da. Sei partida dauzka jokatuta.

1994ko balentria

Handia egin zuen Azkargortak orduko taldearekin. Ikaragarria zen Bolivia Munduko Kopan egotea. Sailkatze fase ikusgarria jokatu zuen, eta emaitza guztietan, bat nabarmendu zen: Brasili irabazi zion Bolivian (2-0).

Bideo honetan dago partida hartako laburpena:

Beste honetan, berari egindako elkarrizketa dago.  Munduko Kopara sailkatzeko fasea jokoan zen oraindik, baina ikusten zen Boliviak lor zezakeela ametsa gauzatzea. Boliviako telebistan egin zioten elkarrizketa:

Munduko Kopa prestatzeko bidean, Euskal Herriko selekzioaren aurka ere jokatu zuen Boliviak. Anoetan izan zen. 3-1 gailendu zen euskal selekzioa.