Askatasunaren deiadarra
AFRIKAKO KOPA
Afrikako Koparen lehen ekitaldia Sudanen jokatu zen 1957an. Egipto atera zen garaile. Txapelketa hartan soilik hiru selekziok hartu zuten parte: Sudan antolatzaileak, Egipto txapeldunak eta Etiopiak. Kontinenteko herrialdeak kolonizazioak eragindako hamaika gatazkatan murgildurik zeuden. Futbola erakusleiho eragingarria izan zen boteretsuen ankerkeria mundu osoari erakusteko. Testuinguru hartan, Aljeriako futbolariak heroi bihurtu ziren. Betiko.