AFRIKAKO KOPA

Normaltasun osoz hartzen da Mali Afrikako Kopan lehiatzen ikustea, herrialdea liskarretan murgildurik dagoen bitartean. Non ez dago arazorik Afrikan? Lehorteak gogor astindu du azken urteetan Sahel eskualdea, gosetea areagotu eta haurren heriotza ugalduz. Baina oraingo honetan bai! Interes propioak tarteko, aginte makila hartu du Frantziak, gerrate neokolonialaren erdian.

AFRIKAKO KOPA

Afrikako Kopan gola garesti dago. Golegile handiak nekez ageri dira. Akaso, gehienak etxean daudelako: Samuel Eto’o buru dela. Didier Drogba da txapelketako ehiztaririk ospetsuena. Area barruan, ordea, bakarrik utzi dute Boli Kostako kapitain handia.

AFRIKAKO KOPA

1995az geroztik, Hegoafrika mundura zabaldu da kirolaren bitartez. Errugbiko Munduko txapelketa izan zen lehenengo (1995), Afrikako futbol Kopa ondoren (1996), Munduko futbol txapelketa gero (2010), eta orain, beste behin, Afrikako Kopa (2013). Apartheidak zapaldutako lurraldean, Nelson Mandelaren ekarpena ezinbestekoa izan da. Madibaren begiek goi-mailako beste ekitaldi bat ikusiko dute: Afrikako futbolaren festa.