Espainiako Kopako final 1/16renak aste honetan erabakiko dira, itzuliko partidak baitaude jokoan.

Gaur, Realak eta Osasunak daukate partida.

Reala-Kordoba (19:30)

2-0 galdu zuen Realak Kordoban, eta buelta eman behar dio emaitza txar hari. Jokalarien artean sortu da halako giro eta grina berezia aurrera segitzeko, eta ingurua ere itxaropentsu dago. Taldea txukun ari da azken partidetan, emaitza onak lortu ditu (Osasunaren aurkako berdinketa izan ezik), eta aldeko giroa sorrarazten lagundu dute ezaugarri guztiek. Gainera, Anoetan izanda…

Montanierrek aldaketa batzuk egingo dituela ematen du. De la Bella kanpoan geratu da, eta Jose Angelek izango du jokatzeko aukera hasieratik. Beste gainontzean, misterioa da zein jokalari hautatuko dituen, baina bere hitzetan “porrota” litzatekeena saihesteko (Kordobak kaleratzea bere taldea), onenak zelairatu beharko ditu.

Osasuna-Sporting (19:30)

Osasunaren baitan ere itxaropena dago kanporaketa iraultzeko. Ari da hobera egiten taldea, eta hori dute heldulekutzat hartua guztiek. Dena dela, Mendilibarrek zuhurtziaz jardun du: “Ematen du egundoko zerbait egin dugula hobera eginda, baina ez ahaztu Ligan zuloan segitzen dugula”. Orain arteko hobekuntza nahikoa izango al da berriz ere bolada txarrean den Sporting menderatzeko? Ematen du baietz, baina auskalo… Entrenatzaileak Cejudo eta Flaño ezingo ditu atera, minez baitaude.