Faborito garbia da Athletic Albaceteri irabazteko, baina zelaian berretsi behar dute jokalariek. Gaur, 20:00etan, San Mamesen, Espainiako Kopako final-laurdenetan sartzeko saria izango dute jokoan bi taldeek. Joaneko husnakoa gaur hautsiko da, alde batera edo bestera.

Gauzak ondo, Athleticek egin behar luke aurrera, Albacete baino askoz hobea delako. Baina giroan bada halako zalantza kutsua, eta egoera horren eragilea etxeko taldea bera da. Azkenaldian, emaitza on-onak lortu ezinik dabil, eta jokoan ere ez dabil lehen bezain argi. Dena dela, ez dago aitzakiarik, eta ondo ala gaizki jokatu, Athleticek final-laurdenetan egon behar du.

Deialdian, Bielsak Amorebieta utzi du kanpoan, min hartuta dagoelako. Hauxe da jokalarien zerrenda. Hasierako 11koan, Llorente izango dela baieztatu zuen atzo entrenatzaileak.

Aurtenetxe eta Calle Albacetekoa lehian joaneko partidan, Muniain begira dutela. ELPUEBLO DE ALBACETE.COM