Emakumezkoen Lehen Mailan, 23. jardunaldia jokatuko dute gaur eta bihar. Gure taldeen partidak hauek dira:

• Athletic-Reocin (gaur, 18:00)
• Reala-Huelva (bihar, 12:00)
• Malaga-Lagunak (bihar, 12:30)

Hiru neurketak dira garrantzitsuak, baina Realarena eta Lagunakena are garrantzitsuagoak, aurkari zuzenen aurka jokatuko dutelako. Realak bere aurretik du Huelva sailkapenean, eta 4 puntuko aldea dago bien artean. Irabaziz gero, asko gerturako lirateke.

Lagunaken kasuan, atzetik du Malaga, 3 puntura, eta hain justu, Malaga da jaisteko postuetan dagoen taldea, azken hirugarren.

Athleticek, aldiz, partida samurra du, Reocin azken sailkatuaren aurka. Azken bi asteburuetan bi berdinketa egin dituzte zuri-gorriek, eta gaur aukera ona daukate garaipenen bidera itzultzeko.

Jardunaldi osoa eta sailkapena, hemen.