Athleticek oso gertu dauka Espainiako Kopako finala. Finalerdietan dago, atzo Mallorcan irabazi eta gero (0-1). San Mamesen ere gailendu egin zenez (2-0), aurrera jarraitzen du lehiaketan. Orain, finalaren atarian, Mirandesen aurka jokatu beharko du hurrengo bi asteetan. Bigarren B Mailako taldea ari da izaten ezuste nagusia aurtengo txapelketan, eta dagoeneko, Lehen Mailako hiru talde utzi ditu bidean: Vila-real, Racing eta Espanyol.

Atzo gauean, Mallorcan, Athleticek ez zuen arazo handirik eduki, nahiz eta txukun ez jokatu, gero Marcelo Bielsak onartu zuen bezala. Gol bakarra bere atean sartu zuen Ramisek, 75. minutuan. Hemen kronika, Athleticen web gunetik hartua.