Realaren aurkaria Olympique Lyon izango da Txapeldunen Ligako multzoen fasera sailkatzeko kanporaketan. Itzulikoa Anoetan izango da, abuztuaren 28an (20:45); joanekoa, Lyonen, abuztuaren 20an (20:45).

Aurkari ezagunak dira biak. Izan ere, 2003-2004 denboraldian, Reala Europan azkenekoz lehiatu zen aldian, elkarren aurka jokatu zuten final 1/8etan, Txapeldunen Ligan orduan ere. Frantziarrek gainditu zuten kanporaketa.

Hainbat datu Lyoni buruz:

• Denboraldi honetako taldea hau da.
• Jokalari ezagunenak: Remy Vercoutre (atezaina), Miguel Lopes (hegaleko atzelaria), Maxime Gonalons (erdilaria), Yoan Gourcuff (erdilaria), Steed Malbranque (erdilaria), Clement Grenier (erdilaria), Bafetimbo Gomis (aurrelaria) eta Alexandre Lacazette (aurrelaria).
• Entrenatzailea Remi Garde da. Eta atezainen entrenatzailea, historiko bat: Joel Bats.
• Frantziako ligan, Ligue 1n, aurreko denboraldian, hirugarren izan zen, PSG eta Olympique Marsellaren atzetik.
• Palmaresa: zazpi aldiz irabazi du Ligue 1, denak jarraian: 2002tik 2008ra. Kopa bost bider irabazi du: azkenekoa, 2012an.

Denboraldi aurre honetako partida bateko Lyonen 11koa.