Aperribai: “Ez dugu aurreikusi jokalariak fitxatzea taldekoren batzuk atera baino lehen”
Realeko presidentea prensaren aurrera azaldu da, eta klubaren inguruko egungo kontuei errepasoa eman die. Guk kirol arloko gaiak azalduko ditugu.
- “Montanierrek ez du harremanik izan Brest taldekoekin. Kirol zuzendariarekin ondo konpontzen da, eta bere egoeragatik galdetu baino ez diote egin gure entrenatzaileari. Montanier pozik dago Realean”.
- “Montanier joan zen udan baino egoera hobean dago gurekin lanean segitzeko: askoz hobeto ezagutzen du dena”.
- “Ez dugu harremanik izan beste entrenatzaileekin”.
- “Taldea hobetu behar dugu, ekin diogun sendotzeko bideari indarra emateko, berresteko”.
- “Helburuak dira haztea, sendotzea, eta pausoak ematea”.
- “Pazientzia eduki behar da, gure mugak zein diren jakin, daukagunean konfiantza eduki, eta taldea hobetu”.
- “Datorren denboraldian, Xabi Prieto izango da kapitaina”.
- “Ifran beste talde batera joan eta bere fitxa guk ordaindu? Ez dugu halakorik egingo, ez berarekin, ez beste inorekin”.
- “Llorente eta Ifran profesionalak dira, eta badakite taldekideek bezalako aukerak izango dituztela”.
- “Ifrani eskatuko nioke gehiago saiatzeko, eta Llorente osatuta dago lesiotik. Zenbat denbora behar izan zuen Santi Cazorlak lesio bera osatzeko?”.
- “Gaur hitz egin dut Ifranekin, eta ezaugarri bikainak dauzka Realean aritzeko”.
- “Ez ditugu baztertutzat jotzen Ifran eta Llorente. Realaren bi aktibo dira, eta litekeena da denboraldi-aurrearen hasieran Zubietan izatea”.
- “Ez dugu eskaintzarik jaso gure jokalariren bat erosteko, eta ez dugu saltzeko asmorik”.
- “Udan, jokalarien merkatuan ez da mugimendu asko egongo inon”.
- “Demidovek alde egitea aukera bat da, baina ez dugu beharrik kirol arloan eta atal ekonomikoan”.
- “Velak badaki zein den gure nahia, eta berak ere nahi bera dauka. Baina errealitate ekonomikoa hor dago. Landu egingo dugu”.
- “Ez dugu behar argirik aurrelari bat fitxatzeko. Taldean direnen konpromisoak aurreranzko urratsa eman behar du”.