Athletici bi puntu kendu dizkio Espanyolek azken minutuan

Egilea:

Data: 2012/02/05

Berdindu egin dute (3-3), lehia bizia jokatu eta gero

Beste zenbait aldiz gertatu izan zaiona gertatu zitzaion atzo Athletici: azken minutuan puntuak galdu zituen. Atzokoan, Espanyolek egin zion kaltea, eta berdindu egin zuten San Mamesen (3-3).

Lehia bizia izan zen, gol askokoa, irekia. Bielsaren taldea gai izan zen 1-2koari buelta emateko, eta hiru puntuen jabe egitear zela, Albinek berdinketaren gola sartu zien. Etxekoen golak De Marcosek, Llorentek eta Javi Martinezek egin zituzten. Espanyolenak Romaricek, Weissek eta Albinek.

Sailkapenean, lehenean segitzen du Athleticek: seigarren da, 32 punturekin.

Hemen duzue partidaren kronika, argazki ugari eta guzti, Athleticen web ofizialetik hartuta.

Eta bideo honetan, atzoko sei golak:

 

 

http://www.youtube.com/watch?v=yvZKx8SBC9s