Partida erakargarria da aldez aurretik gaurkoa. Aurrez aurre sailkapeneko goialdeko bi talde lehiatuko direlako: Athletic eta Espanyol. Seigarrena eta bosgarrena, hurrenez hurren. Bi puntuko aldearekin dira aurretik kataluniarrak.

Zelaitik kanpo ere badu arreta berezia lehiak. Izan ere, bi entrenatzaileen artean harreman berezia dago, Bielsa Pochettinoren entrenatzailea izan zelako Newells historiko hartan, 90eko hamarkadan. Baina iraganeko kontuak ez dira azalduko partidan zehar, eta hor gertatzen dena izango da garrantzitsua.

Eta neurketari begira, Bielsak ez du ezusterik eman jokalari zerrendan. 11koan ere ez da aldaketarik espero, ohikoak ariko baitira.

Espanyolen zerrendan, aldiz, badira berrikuntzak. Fitxatu berri dituen Kalu Uche eta Coutinho deialdian sartu ditu Pochettinok.