Anoetatik ondorio hau atera zuten bertan izan zirenek duela astebete: Realak erdi-bizirik utzi zuen Aberdeen. 2-0 irabazi zion Europako Ligako azken-aurreko atarikoaren joanekoan, eta irabaz zezakeen askoz ere alde handiagoz.

Gaur emango diote errematea kanporaketari bi taldeek (20:45, ETB1), eta Realak egin behar luke aurrera, oker handirik ezean. Berea egiten badu, aurrera egin behar luke lehiaketan. Anoetan ikusi zen askoz talde hobea dela Reala. Erakutsi egin zuen hori Jagoba Arrasateren taldeak, eta gaur ere gauza bera egin beharko du: erakutsi hobea dela.

Osatu berri du Arrasatek 18ko jokalari zerrenda, eta deialditik kanpo geratu dira: Bardaji, Estrada, Yuri eta Hervias.