Hemen da Afrikako futbolaren lehiaketa nagusia: Afrika Kopa. Larunbatean hasiko da, eta bi herrialdetan jokatuko: Gabon eta Ekuatore Ginean. 16 selekzio ariko dira lehian, lau multzotan banatuta. Finala otsailaren 12an izango da, Librevillen, Gabongo hiriburuan.

Lehenengo fasea otsailaren 1ean bukatuko da, final-laurdenak otsailaren 4an eta 5ean izango dira, eta finalerdiak otsailaren 8an. Hirugarren eta laugarren postua erabakitzeko neurketa jokatu egingo dute, otsailaren 11n.

16 taldeen artean, hutsune handiak daude, ez direlako sailkatu. Multzo horretan dago Egipto, azken hiru edizioetako txapelduna. Kamerun ere ez da ariko; 2000an eta 2002an izan zen txapeldun.

Honela daude banatuta taldeak:

A MULTZOA: Ekuatore Ginea, Libia, Senegal eta Zambia

B MULTZOA: Boli Kosta, Sudan, Burkina Faso eta Angola

C MULTZOA: Gabon, Niger, Maroko eta Tunisia

D MULTZOA: Ghana, Botswana, Mali eta Ginea

1. jardunaldian,  larunbatean, A multzoko bi partida jokatuko dituzte:

• Ekuatore Ginea-Libia (19:30, Bata)
• Senegal-Zambia (22:00, Bata)
  

  Egiptoko jokalariak, entrenatzaileak eta gainerako kideak 2010ean, Afrika Kopa irabazi berritan. AFP