Jagoba Arrasate aurkeztu du gaur eguerdian Realak, eta bere esan batzuk hauek izan dira:

• “Etxeko entrenatzailea naiz, eta proiektu honi jarraipena eman nahi diot” .
• “Ulertzen dut batzuek nigan konfiantzarik ez izatea, baina nik konfiantza daukat neuregan”.
• “1. maila ezagutzen dut eta metodologia ere bai. Entrenatzaile bakoitzak du berea, eta nik nire ideiak emango dizkiot taldeari”.
• “Banekien aukera hau izan nezakeela. Ez da ezustea izan”.
• “Konfiantza osoa izan dut, eta babesa daukat. Ardura sentitzen dut bai,baita naturaltasuna ere”.
• “Taldeak hobetzeko tartea dauka, gaztea delako”.
• “Nire laguntzaileak zein izango diren ezin dugu oraindik esan”.
• “Fitxaketetan, klubarekin batera ari naiz lanean”.