Bazterrak lasaitzeko albistea izan da orain gutxi Realean: David Zurutuzak ez du lesio larririk. Eskuin orkatilean bigarren graduko bihurritua dauka, eta gaur goizean bertan hasi du osatzeko lana, Zubietan.

Realak ez du adierazi zenbat denbora beharko duen berriz jokatzeko.

Hasieran uste zena baina lesio arinagoa du erdilariak, lotailuren bat hautsia zuela ere zabaldu baita. Larunbatean hartu zuen min, Betisen aurkako partidan.

Ondo etorriko zaio osatzeko bidean hau: datorren asteburuan ez da Espainiako Ligako partidarik izango, selekzioek neurketak dituztelako 2014ko Munduko Kopara sailkatzeko fasearen baitan.