Partida eta emaitza txar baten ostean, ona izaten da beste neurketa bat jokatzea egun gutxira. Athletic zorioneko da alde horretatik, Pragan jokatuko duelako gaur iluntzean, Europako Ligako multzoen faseko bigarren jardunaldian (19:00).

Aukera hori gauzatzea da orain kontua. Behar gorrian da taldea; batetik, lehiaketako lehen partidan, berdindu baino ez zuelako egin, eta puntuen beharrean delako; eta bestetik, giro nahasia dagoelako klubaren inguruan, emaitza ez onen eraginez eta hainbat afera tarteko.

Horregatik, gaur irabaztea sendagai ona litzateke, puntu gehiago biltzeko, eta giro nahasia bere onera ekartzen hasteko.

Aldez aurretik begiratuta, Athletic da faboritoa. Berea egiten badu, puntuek Euskal Herrirako bidea hartu behar lukete. Baina zer da berea egitea? Ba al du bererik sasoi honetako Athleticek? Kalean dauden kezkak dira. Zalantza horiek isildu behar dituzte jokalariek, mahaian kolpe indartsua emanez. Eskatzeko dago zalea, eta garaipenak aseko balu ere, nahiago luke puntuei joko ona gehitzea. Baina taldea dagoen bezala, asko eskatzea ez ote den jokoarena…

Aurkariaz

Sparta talde historikoa da, Europan barrena eskarmentuduna. Gambrinus Ligan (hala deitzen da Txekiako lehiaketa nagusia), laugarren da, bederatzi partidatan 16 puntu bilduta. Bost neurketa irabazi ditu, hiru galdu eta bat berdindu. 14 gol dauzka alde, 9 kontra.

Europako Ligako lehen jardunaldian, galdu egin zuen Lyonen zelaian (2-1).

Jokalariak

Garaipenen zerrenda

Jardunaldiaz

Beste partida guztiak ere gaur dira, tartean Athleticen multzoko beste neurketa: Hapoel-Lyon. Badira lehia interesgarriak; esaterako, hauek: Liverpool-Udinese; Newcastle-Girondins; eta Borussia Moenchengladbach-Fenerbahce.

Partida guztiak

Sailkapenak